Mialà sasatra. Tsy hakamoana izany.

October 6, 2026 · 1 Korintiana 6:19–20

Misy fotoana tokony hiasa mafy.

Fa misy fotoana koa tokony hijanona kely.

Tsy fahalemena izany.

Tsy hakamoana izany.

Fa fahendrena.

Maro no manery tena mandra-pahatongan’ny vatana tsy mahazaka intsony. Matory tara, mihinana tsy ara-potoana, mitondra adin-tsaina, ary mbola milaza amin’ny tena hoe: “Mbola afaka ihany aho.”

Kanefa hoy ny 1 Korintiana 6:19–20 fa an’Andriamanitra ny vatantsika.

Midika izany fa tsy zavatra ampiasaina mandra-pahapotehany ny vatana.

Zavatra tokony hokarakaraina amim-panajana izy.

Indraindray ny dingana marina indrindra azonao atao androany dia tsy ny manao bebe kokoa.

Fa ny:

– matory ara-potoana,

– misotro rano,

– mihinana tsara,

– miala kely amin’ny efijery/écran.

– mandeha mitsangatsangana,

– na mangina fotsiny mba hiverenan’ny hery.

Tsy mila miandry ho tena reraka vao manaiky miala sasatra.

Ny fitsaharana tsara dia tsy manalavitra anao amin’ny andraikitrao. Manomana anao hiverina aminy tsara kokoa.

Koa anio, aza manameloka tena raha mila miala sasatra ianao.

Karakarao ny vatana nomen’Andriamanitra anao.

Mamaka. Mitombo. Mijoro.

Dingana iray anio

Manokàna fotoana fitsaharana iray anio, ary ahemory ny adidy iray tsy maika mba hahafahanao mikarakara tena.

Fanontaniana hosaintsainina

Inona no famantarana avy amin’ny vatako izay efa tsy noraharahiako?

Hijery ny loharano ao amin’ny Facebook

Tohizo ny dia