Tsy voatery ho sakafo lafo na avy any ivelany no ilain’ny ankizy mba hihinana tsara. Ny zava-dehibe dia ny fahasamihafan’ny sakafo sy ny fahazarana ampianarintsika azy.
Ny vary amin’ny fatra antonony, miaraka amin’ny tsaramaso na voanemba, anana sy legioma ary voankazo misy eo an-toerana dia afaka mamorona sakafo tsotra sy voalanjalanja.
Ampandraiso anjara ny ankizy: avelao hisafidy legioma iray, hanampy amin’ny fanomanana sakafo, na handamina ny loviany. Aza terena na ampitahorina izy. Hazavao aminy amin’ny teny tsotra ny soa entin’ny sakafo samihafa, ary asehoy amin’ny ohatra izay tianao hianarany.
Hoy ny Soratra Masina:
Fa tempolin’ny Fanahy Masina ny tenanareo.” — 1 Korintiana 6:19
Ny fikarakarana ny vatana dia tsy fireharehana. Fampianarana ny ankizy hitantana amim-pahendrena izay nomen’Andriamanitra azy izany.
Andramo anio: ampio anana, legioma na voankazo iray ao amin’ny lovian’ny ankizy, ary ataovy fotoana iray hianarana sy hifampiresahana ny fiaraha-misakafo.
MIJORO — Mamaka. Mitombo. Mijoro.
Hijery ny lahatsoratra ao amin’ny Facebook