Tsy mpifaninana ny vavaka sy ny fianarana.
Mivavaka isika satria mila ny fahendren’Andriamanitra. Mianatra kosa isika satria tompon’andraikitra amin’ny fotoana sy ny saina nomeny antsika.
Tsy ampy ny mivavaka mba hahomby amin’ny fianarana raha tsy vonona hihaino, hamaky, hanao fanazaran-tena ary hanatanteraka ny adidy isika.
Mampianatra antsika ny Ohabolana 2:1–6 mba hikatsaka fahendrena sy fahalalana. Mampirisika antsika koa ny Jakoba 1:5 mba hangataka fahendrena amin’Andriamanitra.
Koa amin’izao fiandohan’ny taom-pianarana izao:
Mivavaha.
Mianara amim-pahazotoana.
Aza matahotra manontany.
Ataovy ara-potoana ny adidinao.
Hajao ny mpampianatra sy ny mpiara-mianatra aminao.
Enga anie ity taom-pianarana ity ho fotoana hitomboanao amin’ny fahendrena, ny fahalalana ary ny toetra tsara.
Ohabolana 2:1–6; Jakoba 1:5
Mamaka. Mitombo. Mijoro
Hijery ny lahatsoratra ao amin’ny Facebook